linglingshin 2007-11-16 21:17
[11-16] monday 草蜢x李玟雨 舞林互冧
[size=3][b]李玟雨(minwoo),韓國組合「神話」成員,擅長編舞,紅編日韓。
當兩個歌精舞勁既組合撞埋一齊,儘管言語不通,但靠body language齊齊「yo」住去溝通,又俾佢o地「溝」得埋o架喎!
4位中、韓籍男士一見鍾情,就等o個晚o既來臨......
一拍即合
草蜢同minwooo係上星期四(15/11)舉行音樂會記招先係第一次見面,但雙方一拍即合,印象非常良好,好似識o左十幾年咁fd。
點睇minwoo?
「我o地比較少機會接觸韓星,係間中o係電視睇到,不過我o地都覺得神情幾好,佢o地跳舞真係有番咁下下水準。而minwoo外表已經好有沙窖力,伯一就怕醜o左o的囉!另外,就係佢好謙卑,輩分分得好清楚,呢樣野好值得年輕一輩歌手學習。」
想同minwoo有咩交流?
「工作上就希望可以同佢有合跳或者合唱o既機會啦!或者叫佢俾o的意見,去韓國拍個mv都唔錯!因為佢o地o的mv好有電影感,製作又認真。私底下就想佢做我o地支盲公竹,叫佢做導遊帶我o地去韓國飲飲食食。」
對今次合作有咩期望?
「應該會好熱烈,因為草蜢o的fans一聽到我o地o的歌已經會自動彈起跳舞,我o地諗minwoo o的fans都會好瘋狂,更相信蕭亞軒o的fans都一樣,所以睇黎今次會係個跳舞fans 大party!」
草蜢內容刪去.......
minwoo部分
點睇草蜢?
「我有睇過草蜢演唱會(影碟),覺得佢o地好有energy,見過真人後,就覺得佢o地o係舞台上會發揮得好勁,可以有機會同佢o地同佢o地同台表演,真係好開心!」
想同草蜢有咩交流?
「如果有機會,我想試下寫首歌俾佢o地唱啦!或者佢o地想唱咩歌,我都可以寫,featuring都ok,我重可以介紹o的韓國靚女俾佢o地識。」(可惜阿智同阿細都結o左婚,得番傑仔有資格識女仔o者!)
對今次合作有咩期望?
「一定會好興奮,我希望香港所有觀眾都會投入o係個party度,大家一齊去玩番晚,相信到時一定會好熱鬧。」
翻兜再讚香港「好令女」
一直都好想o黎香港睇夜景o既minwoo,今次有得率先o黎,重可以solo鮮,已經叻過班隊友,而佢重可以solo o係香港表演添!
「o黎到香港好開心,o的工作人員、記者都對我好好,fans又好熱情,可惜今次我好快要走,為o左報答大家,我12月一定會將最好、最powerful o既o野show俾大家睇。」
大家唔需要擔心練唔切韓文同minwoo溝通,據我所知,聰明o既佢已經向翻譯老師學o左幾句廣東話,最叻係講「好令女呀!」,唔理佢係咪真心,聽到都冧啦!
載請註明出處, 謝謝!!!
來源:ｍｏｎｄａｙ (香港)
FROM：bigmouth@shinhwaforever[/b][/size]
